Þór frá Akureyri er komið áfram í 8-liða úrslit Mjólkurbikarsins eftir sigur á Pepsi-deildarliði Fjölnis í Grafarvoginum í kvöld.

Fyrsta mark leiksins kom á 42. mínútu og var þar að verki Spánverjinn Ignacio Gil Echevarria fyrir Þór. Ignacio fékk boltann í gegnum vörn Fjölnis og kláraði vel.

Staðan var 1-0 fram á 87. mínútu, en þá jöfnuðu Fjölnismenn. Markið gerði sænski sóknarmaðurinn Valmir Berisha sem hefur litið nokkuð vel út í upphafi Íslandsmótsins.

Þar við sat og framlenging næst á dagskrá. Í framlengingunni gerðist fátt markvert þó Fjölnismenn hafi fengið ágætis færi til að gera út um leikinn. Þeir náðu ekki að skora og því tekið til vítaspyrnukeppni.

Þór sigraði í bráðabana
Vítaspyrnukeppnin var með svokölluðu ABBA fyrirkomulagi sem virkar þannig að liðið sem byrjar tekur fyrstu spyrnuna og þar næst fjórðu spyrnuna.

Það voru Þórsarar sem höfðu betur í vítaspyrnukeppninni eftir 12 spyrnur. Þór klúðraði tveimur spyrnum en Fjölnir þremur. Þór er því komið í 8-liða úrslit ásamt Val.

Beinar textalýsingar:
19:15 Breiðablik 1 - 0 KR
19:15 Stjarnan 5 - 0 Þróttur R
19:15 Grindavík 1 - 1 ÍA
19:15 Fram 0 - 1 Víkingur Ó.